Қаз Рус 
Сенім телефоны – 701 - 828
Жемқорлыққа қарсы
Call-орталығы – 1424
Мемлекеттік қызмет көрсету мәселелері бойынша Call-орталығы – 1414
WhatsApp нөмірі - +7-771-202-85-25

Қазақстан 2050

Нашар көретіндерге арналған нұсқа
  • Бағыттар  
  • Бөлімдер   

ЖАҢАЛЫҚТАР МҰРАҒАТЫ

Наурыз 2017
ДүСеСәБеЖұСенЖе
  
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
  

03.03.2017 ж.

 

Шығыс Қазақстан облысының білім басқармасы білім беру ұйымының басшысы бос лауазымына (бұдан әрі- Конкурс) орналасуға конкурс жариялайды:

 

1. Шығыс Қазақстан облысы білім басқармасының «Облыстық қосымша білім беру және дене шынықтыру орталығы» коммуналдық мемлекеттік қазыналық кәсіпорнының директоры.

Негізгі қызметі: Облыстың қосымша білім беру және дене шынықтыру ұйымдары оқушыларына және оқитын жастарына қосымша білім беру, дене шынықтыру саласында мемлекеттік саясатты жүзеге асыру

Конкурсқа қатысушыларға қойылатын біліктілік талаптары: жоғары педагогикалық білімі немесе тиісті бейін бойынша жоғары білімі, білім беру ұйымдарындағы педагогикалық жұмыс өтілі кемінде 5 жыл немесе басшылық лауазымдағы жұмыс өтілі кемінде 3 жыл.

Лауазымдық ақы 94 856 - 111 845 теңге көлемінде.

Білуі керек: Қазақстан Республикасының Конституциясы және Қазақстан Республикасының Еңбек кодексі, «Неке (ерлі-зайыптылық) және отбасы туралы» Қазақстан Республикасының кодексі, Қазақстан Республикасының «Білім туралы», «Қазақстан Республикасындағы тіл туралы», «Қазақстан Республикасындағы бала құқықтары туралы», «Сыбайлас жемқорлыққа қарсы күрес туралы», «Кәмелетке толмағандар арасындағы құқық бұзушылықтар мен балалардың қараусыз қалуының алдын алу туралы» Заңдарын және білім беруді дамытудың бағыттары мен келешегін анықтайтын басқа да нормативтік құқықтық актілерді, балаларға арналған қосымша білім беру ұйымдары жұмысының бейіні және оның ерекшеліктерін, жасөспірім және жеткіншек жастағы психологияның жас ерекшеліктерін, әртүрлі әлеуметтік ортадағы психология, әлеуметтану және жұмыс ерекшелігін, жалпы және отбасы педагогикасының негіздерін, экстремальді жағдайларды анықтау әдістерін, жасөспірімдер мен жастар үшін консультациялар жүргізу әдістерін, қиын жасөспірімдермен және жастармен жұмысты ұйымдастыру, педагогика, педагогикалық психологияны, педагогикалық ғылым мен практика жетістіктерін, экономика, қаржы-шаруашылық қызметі, еңбек туралы заңнамаларын, еңбекті қорғау, техника қауіпсіздігі, өртке қарсы күрес нормалары мен ережелерін, санитарлық ережелер мен нормаларды.

Лауазымдық міндеттері: Балаларға арналған қосымша бiлiм беру ұйымдарын ұйымның Жарғысына және басқа да нормативтік құқықтық актілерге сәйкес басқарады. Мәдени-демалыс қызметі, дене шынықтыру және спортты дамыту саласындағы әлеуметтік, қосымша білім беретін, коммуникативті қызметтерді көрсету бойынша құрылымдық бөлімшелердің жұмысы мен өзара әрекетін ұйымдастырады.

Басқарудың заманауи әдістері негізінде жұмысты болжайды және жоспарлайды. Шағын аудандарды дамытудың әлеуметтік-педагогикалық бағдарламаларын әзірлеуді және бекітуді ұйымдастырады. Білім беру сапасын бақылауды жүзеге асырады, білім беру процесі кезінде ұйымның білім алушыларының және қызметкерлерінің өмір қауіпсіздігі мен денсаулығына қажетті жағдай жасайды. Педагогикалық кеңестің жұмысын басқарады.

Білім беру және тәрбиелеу мәселелері бойынша алыс және жақын шетелдер балаларына арналған қосымша білім беру ұйымымен өзара тиімді ынтымақтастықты кеңейту бойынша шараларды жүзеге асырады, заманауи ақпараттық технологияларды белсенді пайдаланады және дамытады. Басқару құрылымын анықтайды, балаларға арналған қосымша білім беру ұйымының қаржы-шаруашылық қызметін басқаруды жүзеге асырады. Білім алушылар контингентін қалыптастырады. Педагогикалық қызметкерлер мен әдістемелік бірлестіктер жұмысын үйлестіреді, қамқоршылық кеңес пен қоғамдық ұйымдар, оның ішінде балалар ұйымдары қызметіне ықпал етеді.

Есепті, оқу-материалдық базаларды сақтауды және толықтыруды, санитарлық-гигиеналық режим, еңбекті сақтау және техника қауіпсіздігі қағидаларын сақтауды қамтамасыз етеді. Педагогикалық кадрлар мен қосалқы персоналдарды іріктеу және орналастыруды жүзеге асырады, олардың кәсіби шеберлігін арттыру үшін жағдай жасайды.

Жұртшылықпен байланысты жүзеге асырады, білім алушылардың ата-аналарымен (оларды алмастырушы тұлғалармен) жұмысты үйлестіреді. Есептілікті дайындау және қажетті ұсынысты қамтамасыз етеді. Барлық органдарда ұйымның мүддесін қорғайды және Қазақстан Республикасы заңнамаларында тыйым салынбаған өзге де қызметтерді жүзеге асырады.

Конкурс Мемлекеттік кәсіпорынның басшысын тағайындау және аттестаттау, сондай-ақ оның кандидатурасын келісу қағидаларын бекіту туралы Қазақстан Республикасы Үкіметінің Ұлттық экономика министрінің 2015 жылғы 2 ақпандағы №70  бұйрығының негізінде жүргізіледі.

Конкурсқа қатысу үшін қажетті құжаттар:

1) конкурсқа қатысу туралы өтініш;

2) мемлекеттік және орыс тілдерінде түйіндеме;

3) еркін нысанда жазылған өмірбаян;

4) білімі туралы құжаттардың көшірмелері;

5) еңбек кітапшасының (ол болған кезде) немесе еңбек шартының көшірмесі, не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;

6) «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрі міндетін атқарушысының 2010 жылғы 23 қарашадағы № 907  бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелді) бекітілген нысан бойынша денсаулық жағдайы туралы анықтама.

7) жеке басын куәландыратын құжаттың көшірмесі;

8) соттылығының болмауы туралы анықтама.

Конкурсқа қатысу үшін ұсынылған құжаттар нотариалды түрде немесе жұмыс орнының кадр қызметімен куәландырылады.

Конкурсқа қатысушы кандидат Комиссияның қарауына білімі, еңбек өтілі, кәсіби дайындығының деңгейі туралы (біліктілігін арттыру, ғылыми дәрежесі мен атағы, ғылыми басылым, сонымен қатар бұрынғы жұмыс орнынан ұсыныстар, т.б. құжаттардың көшірмелері) қосымша ақпараттарды ұсына алады.

Конкурсқа келесі тұлғалар қатыса алмайды:

1) он сегіз жасқа толмаған тұлғалар;

2) бұдан бұрын сыбайлас жемқорлыққа қатысты құқық бұзушылық жасаған тұлғалар;

3) Қазақстан Республикасының Заңнамасында көрсетілген тәртіппен аяқталмаған немесе алынбаған соттылығы бар тұлғалар;

4) Қазақстан Республикасының заңнамасымен көзделген өзге де жағдайлар.

Конкурсты өткізу орны: Өскемен қаласы, Қазақстан көшесі, 59/1.

Құжаттар конкурс өткізу туралы бұқаралық ақпарат құралдарында хабарландыру жарияланған соңғы күннен бастап 15 күнтізбелік күн ішінде мына мекенжай бойынша қабылданады: 070004 Өскемен қаласы, Қазақстан көшесі, 59/1, Шығыс Қазақстан облысының білім басқармасы, 700 кабинет, байланыс телефоны: (7232) 702-361, электрондық мекенжай: A.Bekturgeneva@akimvko.gov.kz.

Аталған құжаттардың бірінің болмауы конкурсқа қатысушының құжаттарын қайтару үшін негіз болып табылады.

 

 

_______________________________________________________________________

03.03.2017 ж.

 

Шығыс Қазақстан облысының білім басқармасы білім беру ұйымының басшысы бос лауазымына (бұдан әрі- Конкурс) орналасуға конкурс жариялайды:

Шығыс Қазақстан облысы білім басқармасының «Есту қабілеті бұзылған (естімейтін) балаларға арналған мектеп-интернат» коммуналдық мемлекеттік мекемесінің директоры. ШҚО, Семей қаласы.

Негізгі қызметі: естімейтінбалаларды оқыту, тәрбиелеу және жан-жақты дамыту, өз бетінше өмір сүруде жалпы білім алу, еңбек және әлеуметтік даярлану үшін қажетті олардың психофизикалық кемшіліктерін түзету және орнын толтыру.

Конкурсқа қатысушыларға қойылатын біліктілік талаптары: «Дефектология» мамандығы бойынша жоғары білім немесе арнайы (түзеу) білім беру ұйымдары қызметінің бейіні бойынша «Әлеуметтік педагогика» мамандығы бойынша қосымша білімімен бірге жоғары педагогикалық білім. Арнайы білім беру ұйымдарындағы педагогикалық жұмыс өтілі кемінде 5 жыл.

Білуі керек: Қазақстан Республикасының Конституциясын, Қазақстан Республикасының Еңбек кодексін, Қазақстан Республикасының «Білім туралы», «Қазақстан Республикасындағы тіл туралы», «Қазақстан Республикасындағы баланың құқықтары туралы», «Сыбайлас жемқорлыққа қарсы күрес туралы», «Неке және отбасы туралы», «Қазақстан Республикасында мүгедектігі бойынша, асыраушысынан айырылу жағдайы бойынша және жасына байланысты берілетін мемлекеттік әлеуметтік жәрдемақылар туралы», «Арнайы әлеуметтік қызметтер туралы», «Кемтар балаларды әлеуметтiк және медициналық-педагогикалық түзеу арқылы қолдау туралы», «Кәмелетке толмағандар арасындағы құқық бұзушылықтар мен балалардың қараусыз қалуының алдын алу туралы» Заңдарын және әлеуметтік психологияның даму бағыттары мен болашағын анықтайтын басқа да нормативтік құқықтық актілерді, педагогика және психология негіздерін, мемлекеттік жалпыға міндетті білім беру стандарттарын, әлеуметтік педагогиканың, педагогика ғылымы мен практиканың жетістіктерін, экономика негіздерін, еңбек туралы заңнамаларды, қаржылық-шаруашылық қызмет, еңбекті қорғау, техника қауіпсіздігін, өндірістік санитарлық және өртке қарсы күрес нормалары мен ережелері, санитарлық ережелер мен нормаларды.

Лауазымдық міндеттері: Қолданыстағы заңнама мен білім беру ұйымдарының жарғысына сәйкес оқу-әдістемелік, ғылыми-әдістемелік, әкімшілік-шаруашылық, қаржы-экономикалық қызметтерін басқарады. Педагогикалық кеңеспен бірлесіп, жұмыс оқу жоспарлары мен бағдарламаларын, оқу процесінің күнтізбелік кестесін, ішкі тәртіп ережесін әзірлеуді және бекітуді ұйымдастырады. Білім беру қызметін жүргізу құқығына берілген лицензияға сәйкес психикалық-медициналық-педагогикалық консультациялар қорытындылары бойынша білім алушылардың (тәрбиеленушілердің) санын қалыптастырады, білім алушыларды (тәрбиеленушілерді) әлеуметтік қорғауды қамтамасыз етеді. Оқу-тәрбие процесін әдістемелік қамтамасыз етуді ұйымдастырады және жетілдіреді.

Жетім балалар мен ата-анасының қамқорлығынсыз қалған балалар арасынан шыққан тәрбиеленушілердің мүдделерін (жеке, мүліктік, тұрғын үй, еңбек) қорғайды, арнайы әлеуметтік қызмет көрсетулерді бағалауды және олардың қажеттілігін анықтауды қамтамасыз етеді, ата-аналармен (олардың орнын басатындармен) жүргізілетін жұмыстарды үйлестіреді. Белгіленген нормаларға сәйкес білім алушылардың (тәрбиеленушілердің) жағдайларын қамтамасыз етеді.

Нормативтік талаптарға сәйкес оқу-материалдық базаның есебін, сақталуын және толықтырылуын, ішкі тәртіп ережелерінің, санитарлық-гигиеналық режимнің, еңбекті қорғау және қауіпсіздік техникасының сақталуын қамтамасыз етеді. Белгіленген заңнама шегінде ұйымның мүліктері мен құралдарына иелік етеді. Педагог кадрлар мен көмекші қызметкерлерді іріктеуді және орналастыруды жүзеге асырады. Олардың кәсіби шеберліктерін арттыру үшін жағдайлар жасайды. Педагогикалық кеңесті басқарады. Жұртшылықпен байланысты жүзеге асырады. Балалардың өмірі мен денсаулығын қорғау үшін қажетті жағдайлар жасауды қамтамасыз етеді. Қызмет туралы қажетті есептілікті дауындауды және ұсынуды қамтамасыз етеді. Компьютерлік сауаттылықты, ақпараттық-коммуникациялық құзыреттілікті меңгерген.

Лауазымдық ақы 92201,37 - 111845,04 теңге көлемінде.

Конкурс мемлекеттік орта білім беру ұйымдарының басшыларын конкурстық тағайындау ережесі (Қазақстан Республикасы Білім және ғылым министрінің
2012 жылғы 21 ақпандағы № 57 Бұйрығы. Қазақстан Республикасының Әділет министрлігінде 2012 жылы 30 наурызда № 7495 тіркелді) негізінде жүргізіледі.

Конкурсқа қатысу үшін үміткерлерде болуы керек:

 1) «Дефектология» мамандығы бойынша жоғары білім немесе арнайы (түзеу) білім беру ұйымдары қызметінің бейіні бойынша «Әлеуметтік педагогика» мамандығы бойынша қосымша білімімен бірге жоғары педагогикалық білім.

2) арнайы білім беру ұйымдарындағы педагогикалық жұмыс өтілі кемінде
5 жыл;

3) бірінші немесе жоғары біліктілік деңгейінің болуы;

4) педагогикалық салада әкімшілік жұмыс тәжірибесі 3 жылдан кем емес немесе білім беру ұйымдарында жұмыс өтілі немесе білім беру ұйымының кәсібіне сәйкес келетін ұйымдарда басшы қызметінде 5 жылдан кем емес жұмыс өтілі;

5) соттылығының болмауы.

Конкурсқа қатысу үшін кандидат ұсыну керек:

1) конкурс комиссиясы төрағасының атына тіркелген жері, тұратын нақты орны, байланыс телефоны көрсетілген конкурсқа қатысу туралы өтінішті;

2) жеке басын куәландыратын құжаттың көшірмесін;

3) білімі туралы құжаттың көшірмесін;

4) еңбек кітапшасының көшірмесі;

5) кадр есебі бойынша фотасы бар жеке парақты;

6) жазалар мен көтермелеулер көрсетілген бұрынғы жұмыс орнынан өндірістік мінездеме;

7) біліктілік санатын немесе оқу дәрежесін иеленуі туралы құжаттар көшірмесі;

8) медициналық куәландырудан өту туралы құжат;

9) соттылығының болмауы туралы анықтама.

Конкурсқа қатысу үшін ұсынылған құжаттар нотариалды түрде немесе жұмыс орнының кадр қызметімен куәландырылады.

Конкурсқа қатысушы кандидат Комиссияның қарауына кәсіби жетістіктері, біліктілігін арттыру, ғылыми зерттеулер, өзіндік педагогикалық тәжірибелерді жинақтау, мадақтаулар туралы құжаттамамен расталған кез-келген ақпараттарды ұсынады.

Конкурсты өткізу орны: Өскемен қаласы, Қазақстан көшесі, 59/1.

Құжаттар конкурс өткізу туралы бұқаралық ақпарат құралдарында хабарландыру жарияланған соңғы күннен бастап 15 жұмыс күні ішінде мына мекенжай бойынша қабылданады: 070004 Өскемен қаласы, Қазақстан көшесі, 59/1, Шығыс Қазақстан облысының білім басқармасы, 700 кабинет, байланыс телефоны: (7232) 702-361 электрондық мекенжай: A.Bekturgeneva@akimvko.gov.kz.

Аталған құжаттардың бірінің болмауы конкурсқа қатысушының құжаттарын қайтару үшін негіз болып табылады.

 

 

__________________________________________________________

17.11.2016 ж.

 

   Шығыс Қазақстан облысының білім басқармасы білім беру ұйымының басшысы бос лауазымына (бұдан әрі- Конкурс) орналасуға конкурс жариялайды:

           

   1. Шығыс Қазақстан облысы білім басқармасының «Мұқан Төлебаев атындағы музыка училищесі» коммуналдық мемлекеттік қазыналық кәсіпорнының директоры. ШҚО, Семей қаласы, Жамакаева көшесі, 35.

   Негізгі қызметі: мына мамандықтар бойынша мамандар даярлау:Әлеуметтік-мәдени  қызметі және халықтық көркемдік шығармашылығы (ұйымдастырушы - педагог ), Аспаптық орындау және музыкалық өнер эстрадасы (Балалар музыка мектебінің оқытушысы, концертмейстер; Балалар музыка мектебінің оқытушысы, ансамбль, оркестр әртісі (жетекшісі); Балалар музыка мектебінің оқытушысы, халық аспаптар оркестрінің әртісі (жетекшісі); Хор дирижеры (оқытушы, хормейстер), Музыка теориясы (Балалар музыка мектебінің оқытушысы), Ән салу (Балалар музыка мектебінің оқытушысы, академиялық ән салу әртісі, ансамбль солисі; Балалар музыка мектебінің оқытушысы, домбырамен халық әндерін орындау әртісі), Актерлік өнер (Драма театр әртісі).

   Конкурсқа қатысушыларға қойылатын біліктілік талаптары: жоғары білім, білім беру ұйымдарында жұмыс өтілі немесе білім беру ұйымының кәсібіне сәйкес келетін ұйымдарда басшы қызметінде 5 жылдан кем емес жұмыс өтілі.

   Лауазымдық ақы 105 000 – 127 000теңге көлемінде.

   Білуі керек: Қазақстан Республикасының Конституциясын, Қазақстан Республикасының Азаматтық Кодексін, Қазақстан Республикасының Салық Кодексін, Қазақстан Республикасының «Білім туралы», «Мемлекеттік кәсіпорын туралы», «Сыбайлас жемқорлыққа қарсы күрес туралы», «Қазақстан Республикасындағы тіл туралы» Заңдарын, білім беруді дамытудың мемлекеттік бағдарламаларын, оқушыларға білім беру мен тәрбиелеу жөніндегі нормативтік құқықтық актілерді, педагогика мен психология негіздерін, заманауи педагогикалық ғылым мен тәжірибенің жетістіктерін, басқарудың инновациялық әдістерін, экономика негіздерін, қаржы-шаруашылық қызметінің мәселелерін, құқық негіздерін, еңбек туралы заңнаманы, еңбекті қорғау ережелері мен нормаларын, қауіпсіздік және өртке қарсы қорғаныс техникаларын.

   Лауазымдық міндеттері: Қазақстан Республикасының Заңнамасына және  білім беру ұйымдарының оқу-әдістемелік, ғылыми-әдістемелік, әкімшілік-шаруашылық және қаржы-экономикалық қызмет жарғыларына сәйкес басшылық етеді. Жұмыс оқу жоспарын және бағдарламаларды, оқу үдерісінің кестесін, ішкі тәртіп ережесін бекітеді. Басқару құрылымын, штаттық кестені, білім беру ұйымы қызметкерлерінің лауазымдық нұсқаулықтарын бекітеді. Оқушылар контингентін қалыптастырады, олардың әлеуметтік қорғалуын қамтамасыз етеді. Техникалық және кәсіптік білім беру ұйымдарында қоғамдық тамақтану, медициналық қызмет және олардың жұмысына бақылау жасауды ұйымдастыру жұмыстары үшін қажетті шарттармен қамтамасыз етеді. Жұмыс берушілермен және әлеуметтік серіктестермен жұмысты үйлестіреді. Иеленген мүліктерге және құралдарға билік жасайды, есептілікті, оқу-материалдық базаның сақталуын және толықтырылуын, санитарлық-гигиеналық тәртіп ережесінің сақталуын қамтамасыз етеді. Материалдық-техникалық базаның қайта жабдықталуын және құрылуын ұйымдастырады. Педагогикалық кеңес жұмысына басшылық жасайды. Білім беру ұйымдарының білім беру қызмет аясын қолдау және кеңейту мақсатында инновациялық технологияларды енгізу және тартумен қамтамасыз етеді. Кадрлар таңдау және орналастыруды жүзеге асырады, педагогикалық және тәрбие үдерісіне қажетті деңгейді қамтамасыз етеді, олардың біліктілігі мен кәсіби шеберлігін арттыру үшін қажетті жағдайлар жасайды. Үздіксіз кәсіби білім беру ұйымдарымен бірлескен жұмыс бойынша ортақ басшылықты жүзеге асырады. Қоғаммен байланысты жүзеге асырады, ата-аналармен (оларды алмастыратын тұлғалармен) жұмысты үйлестіреді. Жоғары тұрған органдарда, қоғамдық және басқа ұйымдарда білім беру ұйымының мүддесін қорғайды. Әлеуметтік серіктестік пен халықаралық ынтымақтастықты кеңейту бойынша шараларды жүзеге асырады. Уәкілетті органға (құрылтайшы) оқу, ғылыми және қаржылық қызметтер нәтижесі туралы жыл сайынғы есепті ұсынады. Еңбекті қорғау, қауіпсіздік техникасы туралы заңнамалық және өзге нормативтік құқықтық актілер талаптарының орындалуын қамтамасыз етеді және еңбекке қауіпсіздік жағдайларын жасайды.

   Конкурс Мемлекеттік кәсіпорынның басшысын тағайындау және аттестаттау, сондай-ақ оның кандидатурасын келісу қағидаларын бекіту туралы Қазақстан Республикасы Үкіметінің Ұлттық экономика министрінің 2015 жылғы 2 ақпандағы №70  бұйрығының негізінде жүргізіледі.

Конкурсқа қатысу үшін қажетті құжаттар:

1) конкурсқа қатысу туралы өтініш;

2) мемлекеттік және орыс тілдерінде түйіндеме;

3) еркін нысанда жазылған өмірбаян;

4) білімі туралы құжаттардың көшірмелері;

5) еңбек кітапшасының (ол болған кезде) немесе еңбек шартының көшірмесі, не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;

6) «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрі міндетін атқарушысының 2010 жылғы 23 қарашадағы № 907  бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелді) бекітілген нысан бойынша денсаулық жағдайы туралы анықтама.

7) жеке басын куәландыратын құжаттың көшірмесі;

8) соттылығының болмауы туралы анықтама.

Конкурсқа қатысу үшін ұсынылған құжаттар нотариалды түрде немесе жұмыс орнының кадр қызметімен куәландырылады.      

Конкурсқа қатысушы кандидат Комиссияның қарауына білімі, еңбек өтілі, кәсіби дайындығының деңгейі туралы (біліктілігін арттыру, ғылыми дәрежесі мен атағы, ғылыми басылым, сонымен қатар бұрынғы жұмыс орнынан ұсыныстар, т.б. құжаттардың көшірмелері) қосымша ақпараттарды ұсына алады.

Конкурсқа келесі тұлғалар қатыса алмайды:

1) он сегіз жасқа толмаған тұлғалар;

2) бұдан бұрын сыбайлас жемқорлыққа қатысты құқық бұзушылық жасаған тұлғалар;

3) Қазақстан Республикасының Заңнамасында көрсетілген тәртіппен аяқталмаған немесе алынбаған соттылығы бар тұлғалар;

 4) Қазақстан Республикасының заңнамасымен көзделген өзге де жағдайлар.

Конкурсты өткізу орны: Өскемен қаласы, Қазақстан көшесі, 59/1.

Құжаттар конкурс өткізу туралы бұқаралық ақпарат құралдарында («Рудный Алтай», «Дидар» газеттерінде) хабарландыру жарияланған соңғы күннен бастап 15 күнтізбелік күн ішінде мына мекенжай бойынша қабылданады: 070004 Өскемен қаласы, Қазақстан көшесі, 59/1, Шығыс Қазақстан облысының білім басқармасы, 700 кабинет, байланыс телефоны: (7232) 702-361, электрондық мекенжай: A.Bekturgeneva@akimvko.gov.kz.

Аталған құжаттардың бірінің болмауы конкурсқа қатысушының құжаттарын қайтару үшін негіз болып табылады.



Нравится ли Вам наш сайт?KZ





Барлық дауыстардың саны: 260